6% حصلوا على 90 % فى اختبار العينة العشوائية من امتحان التفاضل فى الثانوية العامة !!!!!!
88% حصلوا على 50 % فقططططط !!!!
ههههههههههههههه ما شاء الله .. ونعم نجحت مصر
نجحت مصر الولادة فى ان تجبر أولادها .. على نسيان فكرة الكليات العلمية ، وليتوجه الجميع للدراسات الأدبية ؛ لنقرأ الكتب الأدبية ولنبحث فى المعجم و ندرس التااااااااااااااااااااااااريخ ونحلل الماضى ؛ لنعرف أصل أجدادناااااااااااااااااا الفراعنة.. اممممممممممممممممممممممممممممم طبعااااااااااااااااااااااااااااااااااا
لازم ننظر للماضى أومال هنرضى بالحاضر المرير ده أزاى ؟؟ ولو ان الماضى كان على الاقل فيه الناس بتلاقى تاكل..
لكى نتأكد اننا تطورنا .. لكن ندرس العلوم (نووووووووووووووووو) عيب كده عيون الشباب هتتفتح على حاجات اكبر من سنهم أيوة مينفعش نعينهم فى أى مجلس قيادى قبل سن ال 60..
ميصحش نفكر .. ميصحش لا نطور ولا نتطور .
مش جديد .. مش جديد عليكى يا مصر .. أيوة وبقول يا مصر عشان راضية ومتقولوش وهى مالها
طالما ساكتة تبقا راضية..ولو مش راضية ليه المادة 117 من القانون المصرى مازالت بتطبق؟
المادة دى تنص على فصل أى عضو هيئة تدريس تجاوز فترة مهمته العلمية بالخارج .
المادة دى فصلت الدكاترة أحمد زويل وفاروق الباز و مجدى يعقوب وأخيرا د / عصام حجى اللى يمكن كمان فى ناس كتير متعرفهوش أساسا .
د/ عصام حجى شاب مصرى عمره 32 عاما ومن أهم علماء وكالة ناسا.
لو كان قعد فى مصر كان زمانه لسه قاعد فى بيتهم مستنى الوظيفة ومش لاقى ياكل..
لكنه قام واشتغل ودور وتعب ولقى .( ان الله لا يضيع أجر من أحسن عملا )
ودلوقتى مش قادر يرجع بلده ينفعها ولو بالقليل .. أصل مصر مستكفية ومستغنية
فعلا هى فيها اللى مكفيها وناس مفتحة زيى دول هيعملوا قلق ومش هيرضوا ومش هيسكتوا ( بمعنى أصح هيغنولها أغنية عمرو دياب هتمرد ع الوضع الحالى )
مش بقولكم مش جديد..طب ارجع بيكوا شوية كمان .. الدكتور يحيى المشد .. ها كام واحد سمع عنه ؟؟ الراجل ده عمل أعظم أبحاث عن المفاعلات النووية وحاول يفيد بيها مصر لكن فشل .. بسبب العدوان الثلاثى على مصر .. استدعته العراق وراح وحاول ينفعها بيها كدراسة ..ولكن تم اغتياله.. أثناء أقامته فى فرنسا على يد الموساد..ولا حد هناااااااا. مش بس كده ده بقاله 28 سنة مستشهد وأهله مش لاقيين له معاش !!
بحثوا فى الجامعة التى كان يرأس أحد أقسامها .. وجدوا ان تاريخ الجامعة لا يذكر أسمه أصلااااااااااااا !!
عظيييييييييييييييييييييييم !!
احصائيات الأمم المتحدة بتقول ان مصر نسبة الأمية فيها وصلت الى 50%..... وفى المقابل نجد الحكومة تنقص 3 % من الميزانية المخصصة للتعليم فى الموازنة القادمة..ههههههههههههههه .
يعنى تقريبا لقيت مفيش فايدة قالت توفر أحسن ..
هتروحى لفين يا مصر !! هتقوموا معايا ولا لأ ؟؟ قوموا خليكوا رجالة .كل واحد يعمل اللى عليه ، يراعى ربنا فى أهله وبيته ونفسه قبل اى حد واى حاجة ، أدى نفسك حقها . ذاكر وأنجح ، استغل الصيف فى التقرب لربنا .. مش لازم سهر للتليفزيون بس ، خلى سهرة كل اسبوع حتى لربنا .. ولنفسك .. اعمل ودور. , هتوصل وتلاقى ، الشغل مش هو اللى هيدور عليك ، البلد محتاجة رجالة يرفعوها ويدوروا ورا اللى مخربينها ، محتاجة ظباط أحرار ، رجالة ثورة، بدال محنا عمالين نتسرق كده بالراحة انا متكلمتش غير عن التعليم ومش هتكلم عن الباقى لأنكوا عارفين وشايفين..
وده عشان التعليم هو البنية التحتية.. فجسد الدولة به مضغة اذا صلحت صلح الجسد كله واذا فسدت فسد الجسد كله ، الا وهى التعليييييم..لكنه للأسف أصبح تعتيم.
البلد دى فيها رجالة يا رجالة ؟؟
أنا هحجز أول تعليق...وبقولكم لا تعليق!
هناك 56 تعليقًا:
عايزنا نقوم نروح معاك فين؟؟
اكيد فى داهية.....هههههههههه لا بجد برافو عليك جرىء والبوست مميز
حقيقي باين عليك شعنونه
بس من النوع اللذيذ و الخفيف علي المعدة
بس مش خفيف علي اللي
ربنا يجعل كلامنا خفيف عليهم
و في مصر أصل كلمة حكومة
التحكم وليس الحكم
ميرسى خالص يا عروسة
بس انا مش عاوزاكو تروحوا معايا فى حتة عاوزة كل واحد يعمل اللى عليه بس
تحياتى وشكرا لزيارتك
عندك حق يا كوكو
تحكم مش حكم
ميرسى على زوقك وزيارتك
تحياتى
اسلوبك الساخر اكثر من رائع بس عايز اقولك انتى لسه مش عرفتى الشعار الجديد لطلاب الثانوية العامة باى باى علمى رياضة
والله ربنا يسامح الى واضع الامتحان يلا بالها علم بجد حرام الى بيحصل دة لو مش عايزين علمى يقولوا من الاول علشان مفيش حد يوجع دماغه والاهالى تدفع مصاريف وفى الاخر
وجملتى الشهيرة سلملى.......... على التعليم ...........
مش عارفة اقولك اية يا عمرو
بس اهو ربنا يصلح الحال
وحسبى الله ونعم الوكيل
تحياتى وشكرا بجد على متابعتك
الموضوع جميل وجرىء اوى
وانا معاكى وبأيد كلامك لازم كلنا نتحرك ونعمل اللى علينا لإما البلد هتضيع مننا إن لم تكن ضاعت بس عشان ننقذ البلد دى لازم كل واحد فينا يغير نفسه الاول قال تعالى(لا يغير الله ما بقوم حتى يغيروا ما بأنفسهم )
وليكن شعارنا الفترة القادمة(اصلح نفسك وادعو غيرك)
وبخصوص الثانوية العامة وامتحان التفاضل كل اللى اقدر اقوله حسبنا الله ونعم الوكيل فى اللى وضع الامتحان
ومش هتكلم كتير عن التعليم لان انتى قلتى ما يكفى
جزاكى الله خيرا على هذا الموضوع
على فكرة دى اول زيارة ليا ولن تكون الاخيرة
اسلوبك جميل اوى فى الكتابة
مع خالص تحياتى
وتمنى تنورينى دايما
تقبلى مرورى
اوعى الجرؤة عايزة اطمن علييكى بس عايشة ولا لسة
لا بجد دمك خفيف جداااااااااا
وربنا يسترها عليكى
بوست جرئ وممتاذ
لاذم كلنا نتحرك
تقبلى مرورى
عارفه يا ايه الواحد تعب خلاص من كتر الفساد اللى فى البلد
مفيش حاجه كويسه خالص
مش عارفه احنا ممكن نكمل حياتنا ولا احنا انتهينا على كده
على رأيك هى مصر ساكته لييه هما المصرين راضين بالفساد والذل والهوان ليييه مش عارفه
تحياتى ولاء
حراء اهلا وسهلا بيكى
نورتينى واتمنى تنورينى ديما
وبشكرك على زوقك
واتمنى نبقا اصدقاء
تحياتى
يا نونو يختى عسل
لا يا ستى عايشة وطول منا عايشة هفضل ازعق كده
واعمل دوشة وقلبان
دمى خفيف
ههههههههههههههههههههه
ده كبت يا اختى
ميرسى ليكى
تحياتى
اهلا وسهلا ب قلب الاسد وشكرا على ذوقك
تحياتى
مصر اول الخاطئين زى ما هى اول المظلومين
وهتفضل مظلومة
طباخ السم بيدوقه
شكرا ليكى يا ولاء
المشكله انهم كل كام سنة يقولو بنغير المناهج وبنطور التعليم طب ده ليه نتيجته عمرها ماظهرت يعني؟
الموضوع بيتحول من سئ للأسوأ بندرس حاجات كالهاش لازمه ومش بتفيد في حاجه والدرجات تعتمد علي الحفظ مش الفهم
حرمتينا من زيارتك للمدونة عندي ليه..أتمنى تكرريها
تحيتي
no comment
كفاية قوى ان نسبة العلمى 30% فى ثانوية عامة و تلات ارباعهم يا بيرجعوا يدخلوا كليات ادبية يا بيدخلوا جامعات خاصة زى ما حصل لى السنة اللى فاتت!!
احنا متخلفين و هنفضل متخلفين و مش عارفة هنوصل لفين بعد كدة تانى اظن انه مفيش انحدار اكتر من كدة!!!!
على رأيك يا اسراء
كله كلام
بس هفضل اقول العيب مش عليهم
المال لسايب يعلم السرقة
تحياتى
أكيد هتتكرر ايها الكاتب المجهول
ل مجهول ايه
ربنا يرفعك ويزيدك يا رب
تحياتى
ويقولوا زجاجة اية اللى احنا فيها
دحنا فى زجاجة صاروخ وفى القااااااااااااااااااااااع يا جيداء
تحياتى
no comment دى بتاعتى يا محمد يا هشام
ايه التحليق ده
ههههههههههههههههههههه
تحياتى
عندك حق والله يا ايه بس انا عايزه
اعرف دى تانيه ثانوى ولا تالته ثانوى
لو سمحتى تردى عليا عايزه اطمن على اخويا
بوست مهم احييكى
تفاضل تانية وتالتة كان وحش يا بنوتة
ربنا مع اخوكى
وشكرا ليكى
تحياتى
بصي يا ستي هي الدنيا ملخبطة على الاخر....بس زي ما انتي قلتي لازم نتحرك ونقوم بس المشكلة ان مافيش حد بيفكر كده..كله بيوقل يعني انا اللي هصلح الكون والدنيا كلها غلط اشمعنى انا..طبعا عارفة ان دي فلسفة ضعف بس تعملي ايه...أحيانا بحس انه فعلا لا حياة لمن تنادي..
المهم يا اسراء انك تكونى بخير وتكبرى دماغك
تحياتى
أولا أنا الي متشرف بزيارتك يا ستي لمدونتي المتواضعة دي
ثانيا متتحامليش على مصر العيب في أهل مصر الي ساكتين ع الحكومة.. لكن مصر شافت هز ومجد كتير مش فاكرة محمد علي عمل فيها ايه بس تقولي ايه بأه
خير خير خير
ربنا يصلح حال بلدنا
شكرا على الزيارة ويارب متتقطعش زياراتك يا ستي
تحيتي وسلامي
انا كنت متوقع انى الاقى حب وشجن بس والله برافوا عليكى انك كتببى الكلام ده
برافوا برافووووو
ومنتظر المزيد
وان شاء الله هكون دائم الزياره ليكى
إذا كان ده مش يدايقك
لا طب سلام انا عرفت ليه انا كنت فاشل صح والله
tالبوست بجد حلو اوي
وعندك حق والله
ولولا انه كل اللي ذكرتيهم خرجوا بره مش كانوا لقوا لقمه عيش ف الغلا اللي احنا فيه كمان
بره بيقدروا الدماغ العاليه دي
ربنا يسترها علينا الايام الجايه بحيكي علي البوست ده
دي اول زياره وان شاء الله مش هتكون الاخيره
أيه يا بنتى ده
خافى على نفسك أنتى أيه؟؟
بس بينى وبينك
سكمون بكمون كده أنا موافقاكى تماما
وبعدين تعالى النهارده أتفرجى على أمتحان الفيزيكس
كان نيله
لا 60 نيله
ربنا معاهم يا رب
مدونتك تحفه
وباين عليكى شعنونه رسمى
الاحساس بالفشل والهزيمة يجعلنا نفتش في دفاترنا القديمة لنقول اه شفت احنا عندنا اللي مش عن الغرب عندنا الاخلاق ههههههه وهم معندهمش اخلاق عندنا تاريخ ههههههه وهم معندهمش تاريخ
اتذكر في كتاب سيكولوجية العلاقات بين الجماعات للدكتور احمد زايد جاء به
ان الجماعه الاقل تسعي اما لأعادة تعريف الخصائص يعني زي السمار حلو الجمال الاسود
الاندماج كما تحاول تركيا ان تنضم للاتحاد الاوروبي المواجهة المباشره اي الصدام او رفع مستواه بشتي الطرق والحمد لله احنا بنعمل الاولانيه بس
ييا ابن مصر ازاى يضايقنى ده شرف كبير ليا طبعا انك تكون من زوارى
شكرا ليك جدا
تحياتى
بعد الشر عنك من الفشل يا صوت
تحياتى
يا رب يا زوزو متكونش الاخيرة شرفتنى زيارتك بتمنالك التوفيق وادى الغلا واحنا ساكتين ادى الجمل وادى الجمال
ههههههههههههههههه
تحياتى
لازم ابقا شعنونة يا سوسا جايز اقدر اخد حقى او اعمل حاجة
وبعدين اخاف على نفسى من ايه ؟؟
هيجرالنا ايه اكتر من اللى احنا فيه
ههههههههههههههههههههه
تحياتى
بالظبط يا استاذ مخحمد احنا بنعمل الاولى بس الصدام
الله ينور عليك
مهو ده اللى احنا شاطرين فيه
كويس اننا شاطرين فى حاجة
هههههههههههههههههههههههه
تحياتى
السلام عليكم دى اول زيارة ليا لمدونتك الجميلة دى وان شاء الله مش هتكون اخر زيارة عارفة ليه لان اول بوست قريته ليكى جه على جرح امتحان التفاضل والتكامل اللى ادبح فيه اخويا اللى فى ثناوية عامة يعنى ثانيا لانى حسيت من اسلوب كلامك انك انسانة مثقفة لانك اتكلمتى عن ناس فعلا فى ناس كتير جدا ميعرفهمش ويمكن على راسهم عصام حجى وغيرهم كتير بجد بوست رائع ومدونة لذيذة وياريت اشوفك فى مدونتى الصغنونة
سلام
اة يا همس حقك عليا انى جيت على الجرح
شكرا على زيارتك واكيد هزورك عن قريب
تحياتى
تقريبا بعد اللي حصل ده في امتحانات الثانوية العامة مفيش حد هيفكر انه يودي عياله ثانوية عامة من اساسه
بجد بجد حراااااااااااااااااااااااام عليهم
بأي منطق هما بيشتغلوا الناس دول
حقا انها وزارة التربية والتعذيب
بوست هايل يا آية
تحياتي
:)
معلش بس وانا بقرأ حسيت كأنك بتقولي خطبة حماسية
بصي اللي عايز ينجح هينجح واللي عايز يوصل هيعافر ويوصل
- عايز اقولك ياريت بلاش المباشرة في الأسلوب دي
تقبلي رأي وسلامي
ايه
ربنا يكون فى عون طلبة الثانوى
اقول ايه انا تابعت مشكلة الثانوى بس المشكلة مش فى الحكومة المشكلة فينا احنا المفروض يكون لينا موقف صلب
المهم
انتى قلبتى مرة واحدة على القضايا السخنة ونسيتى الحب ولا ايه امال المدونة اسمها هكذا احب ازاى
مقصدش متتكلميش فى المواضيع التانية بس قصدى تبقى مرة كدة ومرة كدة
تحياتى
بشكرك يا سفروتة
على فكرة انا مدرسة وبشتغل فى وزارة التربية والتعذيب دى ها
ممكن ابلغ عنك خدى بالك
ههههههههههههههه
تحياتى
شكرا على رايك ومقبول طبعا يا مصطفى
تحياتى
اممممممممممممممممممم
البوست الجاى ان شاء الله يا عرفة
ويارب يعجبك
تحياتى
أمرنا لله هنحكي الحكاية تاني
بصي يا ستي
الناس الكبار الوحشين
خافوا على نفسهم من الأطفال
لأن الأبحاث العلمية أثبتت
إن الطفل يملك الذكاء والقدرة
على تحصيل المعلومات
بدرجة هائلة
لا نظير لها
فقرروا اختراع نظام يخربوا به عقولهم
ويهمــِّـدوا شعلة ذكائهم
فخططوا للتعليم اللي بنشوفه ده
بيعودوا الطفل على الحفظ والتلقين
فيبطل يفكر
وبكده يتطمنوا على إن الأطفال دول
مش هيسحبوا البساط من تحت رجليهم
ومش هيزحلقوهم من على الكراسي
وده رأي فيلسوف فرنسي لا أذكره
وأنا مؤمن بكلامه هذا
ما رأيك به ِ ؟
هل توافقين عليه ؟
تحياتي لك ِ عزيزتي
آدم
مستنيه جديدك يا ايه
عظيمه يا مصر والى الأمام رغم كيد المعتدى دى مصر ام الدنيا:)
مش كدا ولا ايه؟
ههههههههه
تحيا مصر
عاش الفساد
عقبال ما تبقى جمهورية العواطلية والصنايعية العربية !
طبعا موافقة على رايك يا ادم
وده رايى من الاول والفيلسوف هو اللى غشه منى
ههههههههههههههههههههههه
تحياتى
ان شاء الله يا بنت مصر يا مصرية
بس كان الكمبيوتر عطلان حبتين
خلال ايام برجعلكم
تحياتى
طبعا ام الدنيا يا بلو شكرا لزيارتك
واتمنى اتعرف قريب
تحياتى
فعلا كوارث يا كوارث
تحياتى
مش بطال
هو الكلام سهل بس...........؟
خلى بالك شعنونه
مش بطال
هو الكلام سهل بس...........؟
خلى بالك شعنونه
شركة المثالية لتنظيف المنازل بالدمام
شركة المثالية للتنظيف بالدمام
شركة تنظيف بالقطيف
شركة تنظيف منازل بالقطيف
إرسال تعليق