الأربعاء، 4 فبراير 2009

ابكى يا قلبى

ابكى يا قلبى بصوت عالى
حس البكا جواك مالى
الدنيا والهوا وخيالى
يا تموت يا قلبى يا تهدالى
مش عاوزة ليك صورة قبالى
ما كفاية كل اللى جرالى
حرام عليك بص لحالى
الدنيا عمالة تضلم
والجرح عمال بيسلم متخلنيش أنا استسلم وتحطملى كده كل آمالى نور لى نور فى طريق بكرة نورلى يمكن ألاقى فكرة مش عاوزة أشوف جواك ذكرى لجراح خلاص مش على بالى ابكى يا قلبى بصوت عالى ...

هناك 47 تعليقًا:

صوت من مصر يقول...

القلب لا يبكى بل يثور تجاه الغضب

ريمان يقول...

نور لى نور فى طريق بكرة
نورلى يمكن ألاقى فكرة
مش عاوزة أشوف جواك ذكرى
لجراح خلاص مش على بالى


...............

كلنا بجد بندور على النور ده

واكتر حاجه ممكن تنغص علينا حياتنا هى الذكريات المؤلمه

احييكى بجد على كلامك

زى ما يكون بتقولى اللى جوايا بالظبط

Tamer Alhosiny يقول...

اوقات كتير الدموع بتطهر
وتغير
ابكي بصوت عالي
بس المهم البكا يغير فينا
مش بس دموع تدمعها عنينا

ابكي يا قلبي بصوت عالي

تامر الحسيني

أية الشقية الشعنونة يقول...

صوت من مصر
ثورة او غضب
المهم أن تكون من أجل التحسن
وليس للخلف


تحياتى

أية الشقية الشعنونة يقول...

ريمان
أشكرك
واتمنى فعلا ان أكون لمست احساسا بداخلك
أما عن الذكريات المؤلمة فبأيدينا يمكن تحويلها إلى ايجابيات
ولكنها الأرادة

أشكرك
تحياتى

أية الشقية الشعنونة يقول...

تامر الحسينى

كلام مقدرش أقول بعده طبعا
واتمنى فعلا يكون بكا من أجل الثورةوالتمرد على الوضع الخاطئ او السلبى

أشكرك

تحياتى

mohamed ghalia يقول...

كلمات رائعة رغم الحزن
بجد ابدعتى ى كلماتك
دمتى بكل الود
دمتى فى سعادة

أسير الجراح يقول...

رغم حزن كلماتك


رغم ان جمال البوست لا يوصف


تحياتى لقلمك المبدع


اسير الجراح

بنوتة يقول...

السلام عليكم
كلماتك جميلة جدا ومعبرة
رغم الحزن الكبير ايللي فيها
تحياتى ليكى

أية الشقية الشعنونة يقول...

mohamed ghalia
اشكرك على تمنياتك
ودمنا جميعا فى رعاية الله
تحياتى

أية الشقية الشعنونة يقول...

اسير الجراح
أشكرك
قلمى كمان بيسلم عليك
ههههههههه
تحياتى

أية الشقية الشعنونة يقول...

بنوتة
ايه العسل ده
اشكرك يا عسل
تحياتى

صباح الصباح يقول...

واضح ان اية الشقية جواها حزن مالى قلبها الصغير.. كلنا زيك يا اية وواضح اوى كمان من صورة البروفايل اللى اخترتيها ان جواكى بيصرخ

هنحب ايامنا وندوب فى لياليها
ولو انجرحنا يا دنيا ماحنا حالفين نعديها

dr_samarmar يقول...

جميلة كلماتك

الدموع بتريح و بتكون كتير أحسن من اننا نكتمها

تسلم اديك :)

مدحت محمد يقول...

لا بجد
انتى طلع احساسك عالى اوى

ابكى ابكى

ولايهمك

أية الشقية الشعنونة يقول...

صباح الصباح

ومين مش حزين بس

هنعمل ايه بقا

ربنا يحلى أيامنا كلنا

ويختمها بالخير يارب

تحياتى

أية الشقية الشعنونة يقول...

رابطة مدونون من أجل فلسطين

يسعدنى طبعا انى اشارك معاكم

وان شاء الله على تواصل

تحياتى

أية الشقية الشعنونة يقول...

dr_ smarmar

اشكرك جدا

الدموع بتريح عندك حق

لكن الأصعب أن تكن بداخلنا ولا يمكن الأفصاح عنها

تحياتى

أية الشقية الشعنونة يقول...

مدحت محمد

شكلك فرحان فيا يا مدحت والله

هههههههه

أل ابكى ابكى ال

ماشى ماشى ليك زنقة

هههههههههههههه

تحياتى

أية الشقية الشعنونة يقول...

انت تسأل والكمبيوتر يجيب

يشرفنى ويعدنى مشاركتكم

ان شاء الله

تحياتى

Tamer Nabil Moussa يقول...

السلام عليكم


عمر الدموع ما كانت عيبة

بس المهم اننا نحاول نغير من احوالنا على قدر المستطاع

والبعد عن كل شىء يحزن ويجرحنا

ونعيش ديما على امل غد افضل واحلى

تحياتى

فكرة من الزمن ده يقول...

سلامتك من البكا يا اية ربنا يسعد قلبك
جميلة كلماتك اوي تنفع تتغني بجد

كراكيب يقول...

ايوووووووووويااااااا
وحشاااااااني جدا

ابكي بصوت عالي ايه بس يا ايه احنا ناقصين دوشة
لااللاالالالا انا مصدعة لوسمحتي
كفاية عليا مالك ومحسن -اخواتي العفاريت- عاملين استاد برا
يعني لا صغير مريح ولا كبير مريح - دي كلمة ماما دي على فكرة-
;)

امممممواااااااااااه

mirooooo

Amgad يقول...

تعرفي يا ايه
دي عاشر مرة اقرا البوست
وكل مرة بحس بودنك اوي فيه
ايوة ودنك
هههههههههههههههههههههههه
عندك ودن موسيقية مخلياكي ظابطة الوزن
و الموسيقي بطريقة تهوس
بجد طيب اقريه تاني هتلاقيه متلحن
عجبني اوي موضوع يا تموت يا قلبى يا تهدالى
بيفكرني بالايد اللي توجعني اقطعها
يلا انا حبيت امسي عليكي بسنونة
دمتي (يعني بقيتي مش الجبنه)بخير

elsha3er يقول...

الله على جمال الكلمات

بجد رائعة


تحياتى لقلمك

احمد الشاعر

همسات دافئه يقول...

ايييييييييييييه كم الحزن ده
حرام عليكي
يا تموت يا قلبى يا تهدا
صعب اوي

رابطة مدونون من أجل فلسطين يقول...

الدور الفعلى لكلا من اعضاء الرابطة

ان كنت جاد وتريد مساعة اخوانك فى فلسطين

واشتركت معنا من كل قلبك

ادخل وخبرنا فيما انت ستعمل معنا

http://bloggersforpalestine.blogspot.com/

مدحت محمد يقول...

قال زنقة قال

غير معرف يقول...

ربنا يوفقكم للمزيد
ماشاء الله علي المدونه ربنا يجعلها في ميزان حسناتكم
مدونه قل http://kolyakalm.blogspot.com/يا قلم

elsha3er يقول...

اتأخرتى علينا لعل الامر خير


تحياتى

احمد الشاعر

ابراهيم يقول...

مدونة جميلة ورائعة اتمني لكي مزيدا من التقدم والازدهار

كراكيب يقول...

ايه هو انتي اتخطفتي؟؟
محبوسة طيب؟؟
طيب في اي مشاكل طيب؟
اسعاف؟ نجدة؟ اي حاجة انا معايا 90 قرش في الموبايل لو أي تليفون للجهات المسئولة هيحل المشكلة مش هستخسر الرصيد فيكي

انتي فين يا اااااااايه
يا بنتي مش كدة
ارجعي البنت مالهاش غير بلوجها

طمنينا عليكي
;)

كوارث يقول...

هممم
شعر احترافي جدًا
كلمات أغنيىة رائعة إذا صح التعبير..
استمري

الدرعمي يقول...

أحسنتِ يا آية

رابطة هويتي اسلامية يقول...

السلام عليكم ورحمة الله وبركاته

نتمني منك أن تكوني عضوه معنا في رابطة هويتي إسلامية

الدعوة لا تكون عامة إنما لنا شروط في أعضائنا و لقد توفرت بك

نتمني قبول دعوتنا


رابطة هويتي إسلامية التوافق الإلكتروني رابطة مدونون من اجل فلسطين

رابطة مدونون من اجل فلسطين يقول...

تتشرف كلا من رابطة مدونون من أجل فلسطين

والمبادرة النسائية لنصرة فلسطين بالاسكندرية

بدعوتكم لحضور المهرجان التضامنى مع ايتام غزة

وذلك يوم الجمعة القادم 17/4 بنادى المحامين بجليم بالاسكندرية

فى تمام الساعه 3.30
الاستفسار عن أي شئ يرجئ مراسلتنا على الايميل
bloggersforpalestine@yahoo.com
الامين العام للرابطة

momken يقول...

الف سلامه على قلبك


الكلمات حلوة اوى تسلم ايدك

والايقاع جميل اوى

ناقصها لحن جميل وصوت حلو وتبقى روعه


دمتى مبدعه

تحياتى

momken يقول...

حلوة اوى

لابنا ينور طريقك

ويهديك قلبك وعقلك


تحياتى

إسلام يقول...

لو تركت الزمام له فالنهاية جرح أو ألم أو كلاهما !!
عليك بأخذ زمام القلب حتى لا تضطري الى استجدائه في يوم ما ..

تحياتي

مدحت محمد يقول...

انت اعتزلت ياعم انت

حصان المرجيحة يقول...

السلام عليكم
انا اسلام
مدونة حصان المرجيحة
ياريت نتواصل بالمواضيع و الافكار

محاولة لكسر الصمت يقول...

ابكي يا قلبي بصوت عالي
ــــــــــــــــــــــ

هو يبكي دائما لكن الصوت مخنوق داخل الضلوع..



سعيدة بزيارتي لمدونتك..اشتقت إليها..

تحياتي

Unknown يقول...

ادعى الله ان يهون عليكى المك
كلماتك بها من الالم والجرح الكثير

تحياتى
هون الله عليك

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

momken يقول...

الله عليكى

تسلم ايدك

بالفعل ان من البيان لسحرا

برغم صعوبه الحاله الا انى استمتعت بالمهاره فى الكتابه وبعمق الحاله


تحياتى

Entrümpelung يقول...

كلمات من القلب .. :)

Übersiedlung Wien يقول...

شكراً لكم ع الموضوعات المتنوعة ...