جالسة أنا تحت مظلتى،
ارتجف خوفا من عمر ينقضى ،
أتوخى حذرى من الوقوع فى الحب ،
قلق و ألم و عذاب ينصب ،
فجأة ارتعدت يدى من شدة الرياح ،
فطارت المظلة ...
لتهطل أمطار دموعى معلنة ،
أننى لم اعد قادرة على مواجهة الحياة وحدى ..
قرار اخير
قبل 13 عامًا
هناك 50 تعليقًا:
ارتجف خوفا من عمر ينقضى
أتوخى حذرى من الوقوع فى الحب
قلق و ألم و عذاب ينصب
فجأة ارتعدت يدى من شدة الرياح
فطارت المظلة ...
لتهطل أمطار دموعى معلنة أننى لم اعد قادرة على مواجهة الحياة وحدى ..
إيه يا أيه ده كله وكمان خلاصة أيام الإكتئاب
إيه يابنتى الحزن ده كله
ربنا يسعدك دايما يارب
تحياتى
للسف انا اضعت الفرصة بنفسي لاني سرحت قوي في البوست ومش لحقت اول تعليق
عزيزتي الغالية اية
اولا حمدلة علي السلامة بعد فترة غياب طويلة جدا
ردجعتي تنوري عالم التدوين
حمدلةة علي السلامة
واتمني نقطة التحول بجد تكون نقطة تحول ليكي
ولو انك بتعلني
أننى لم اعد قادرة على مواجهة الحياة وحدى ..
لكن انا عندي ثقة انك هتوصلي
احساس بجد باني هوصل منغير ما قلبي يساعده حد
ربنا يوفقك
وحمدلة علي السلامة
تامر الحسيني
ياااااااااااااه
حمد الله على سلامتك بعد الغيبه الطويله
شوفى مدونتك فرحانه بيكى ازاى
دى فرحانه انك نورتيها من جديد بكتاباتك
اما بخصوص البوست فيه حاجتن هتكلم عنهم
أتوخى حذرى من الوقوع فى الحب
ليه كده فيه حد بيخاف من الحب هو جميل فى كل الحالات لو فيه عذاب
بيقى عذابه اسعد عذاب
ولو فيه سعاده بتبقى اجمل سعاده
لم اعد قادرة على مواجهة الحياة وحدى
ودا طبعا شئ جميل انك بدورى على شريك ليكى فى الحياه الصعبه اللى احنا فيها
اكيد هيكون ليكى حبيب وصديق واب وزوج
اولا عودا حميداً
الف الف حمدالله على السلامه
وبعدين احمدى ربنا انهم طاروا
واقعى ياستى فى الحب برحتك
فما اجل الوقوع فى الحب
واعتقد اننا لن نندم ابدا على شىء كما سنندم على حذرنا من الوقوع فى الحب والذوبان به
تحياتى
فعلت خيرا تلك المظلة بان طارت
الحياة ليس للفرادي عزيزتي
ولكن اختيار الرفيق المهمة الاصعب
تامر الحسينى
الأول او الثانى كعادتك تعليق موضوع ورد مختلف دائما
الله يسلك يا تامر
يارب فعلا تكون نقطة تحول
واقدر اوصل لاى حاجة يارب
تحياتى
romansy
الله يسلمك يا غالى
المدونة كده فرحانة يا راجل حرام عليك
فى ناس للاسف بتتخفى تحت قناع الحب واحنا من طيبتنا بنصدقهم ونفتكرهم بيعرفوا يحبوا زيينا مش شرط يكون حبيب حتى الصحاب بيوهمونا ساعات انهم بيحبونا وفى اول محطة هأ
اما عن رحلة البحث عن شريك الحياة فده اصعب شئ فى مجتمعنا الشرقى الغبى
تحياتى
momken
متشكرة جدا تسلم
الله يسلمك
لا مش عاوزة اقع
انا كويسة اوى وانا واقفة كده لوحدى
بس خايفة بردو وتعبانة
بس تعب الوحدة ارحم بكتير من عذاب الحب
يااااااااااااااااااااة
لسه فى ناس كده
ربنا ما يوقعكم غلط ابدا
تحياتى
kochia
انتى فرحانة فيا عشان مظلتى طارت
انا هاجى وهكسر بتاعتك
الحياة كفرد
احسن من جماعة خاينة او فاشلة او جماعة مهما فضلتى فى وسطيها بردو انتى حاسة بالغربة جماعة غير محسوسة ملهاش لزمة
اعتقد الفردية فى الحالة دى افضل بكتير
فعلا اختيار الرفيق هى اصعب مهمة
اعتقد اصعب مهمة فى الحياة كلها
واللى مش قادرة اتخطها حتى الان
واتمنى انى اقدر يارب
تحياتى
لن تستطيعى الحياة وحدك اذا فعليكى اختيار من يشاركك حياتك فا ابحثى عنه ولكن احذرى
كلمات جميلة دمتى مبدعة
احمد الشاعر
ومن منا يستطيع مواجهة الحياة وحده؟
كلنا نحتاج لمن يحمل معنا المظلة وكلنا نحتاج لمن يشاركنا لحظات الحياة
يؤيؤ يا كميل نورت المدونه من تانى ..
المدونه كانت مضلمه بقالها فتره يا عم متبقاش تغيب كده تانى ..
و ايه الموضوع المكئب ده .. انتى بتجيبي الاكتئاب ده كله منين ؟ .. غريبه اوى دى .. يا بنتى اتعلمى منى التفاؤل و البهججه .. مش عارف ايه كمية السواد اللى جواكم دى بصراحه !!
يلا يا أيوي بقى كفايه عليكي كده انا قلت بس اسلم و اسجل فرحتى بالعودة المباركة ..
تحياتى ليكي ..
أسامة أمين
السلام عليكم ايه
اتمنى من كل قلبى ان تكون فعلا الحاله دى راحت لحالها
وخلى بالك مش دايما الدموع هى النهايه ممكن تكون بدايه واتمنى انها تكون بدايه ليوم مشرق بالتفاؤل كما عهدنا منكى ايتها السويسيه الطيبه
تحياتى وان شاء الله تكونى احسن
واسف لتأخير الكومنت انا توقعت انى معلق من يوم ما حطيتى البوست
بس لعله خير
والى بوستات مليئه بالتفاؤل قريبا ان شاء الله
الاخت الغالية أية
اولا اخبارك اية
اتمنى تكونى بخير بأذن الله
بصى يا أية
كل انسان بيحب بيبقى خايف فى يوم من الايام يختفى الحب فى حياتة
وبعد ما يضيع الحب
بيحس ان دى نهاية حياتة
لكن العكس دى بداية
لحكاية جديدة
حكاية الم وعذاب
وياريت بتجيب نتيجة
الانسان بيغلط ولاخر يوم فى عمرة
حيفضل يغلط
لكن مش عيب انى اغلط واعترف بغلطى
العيب انى اكرر غلطى
والغلط اية هو
انى اثق فى حاجة جرحتنى اللى هى الحب
لكن صدقينى والله اجمل لحظات الانسان بيعيشها لما بيحب ويتحب
اتمنى تكونى بخير وفى احسن حال
اتمنى تنورى المدونة بقى
البوست نزل وانتى مش جيتى
اتمنى تنورينى بزيارتك الجميلة
معلش الايام اللى فاتت مش كنت بدخل عندك
اتمنى تعزرينى
كل الاحترام والتقدير
اسير الجراح
ياستى انا فى جمله فى حياتى بقولها دايما
انا والاكتئاب اكثر من اصدقاء وان لم اكن مصريا فكان لى عدوا
el sha3er
اشكرك يا استاذ احمد
اذا كانت الحياة فى وحدة صعبة
فمهمة البحث عن من يشاركنا فيها هى المهمة الاصعب يا عزيزى
تحياتى
قلب مصرى
وما أشدها من حاجة !!
تحياتى
شمو نشادر
تسلم يا أسامة
اة والنبى عندك حق مش عارفة بجيب الاكتئاب ده كله منين
دنا حتى كل اصحابى مفعمين بالتفاؤل
زيك مثلا
هههههههههههههههههههه
تحياتى
son of egypt
يا مسهل يارب تتوجه الى حيث أتت
ربنا يخليك يارب
متشكرة جدا يا محمد
تأخير ايه يا عم احنا يهمنا رأيك فى اى وقت
المهم انك شرفتنا
تحياتى
أسير الجراح
أنا الحمد لله بخير
تسلم وتعيش
لا يا راجل انا الحمد لله موصلتش للمرحلة دى
هههههههههههههههههههههههه
وربنا ما يجيب جراح يارب
الحمد لله انا رجعت المدونة اهو
ومسافة السكة واكون عندك
أما عن تأخرك فما يهمكش لانى اكتر واحدة مقصرة معاكم
وكان الله فى عوننا جميعا
تحياتى
صوت من مصر
انت والاكتئاب اصدقاء
ليه بس كده
بتفول فى وشى
يا ساتر يا ساتر
هههههههههههههههههه
ربنا يا سيدى يزيح عنك وعننا
اما عن مصر فاننا اعشق ترابها
تحياتى
عودا حميدا وحمد لله على سلمتك وعايزين بقى بوستات جامدة زى الاول
تعرفى البوست ده عايز ايه
عاوز حاجه كده على اسم مدونتك
نقطة تحول
ارجو انك توصلى ليها بأسرع وقت
اهلا اهلا فينك من زمان اختنا عودا حميد وايه البوست الجامد ده بجد جميل ربنا يبارك فيكي
geo amr
الحمد لله يا عمرو
متشكرة جدا ربنا يخليك
وان شاء الله ننزل بوستات تعجبك
تحياتى
عايش ولكن ..
اممممممممممممممممممممم
تقصد اااااااااااا
هههههههههههههههههههه
ماشى يا عم
يارب اوصل ان شاء الله
تحياتى
mr monshed
الله يخليك
الحمد لله انه نال اعجابك
اشكرك كثيرا
تحياتى
آيه وحشتينى اووووووووى
أخبارك ايه يارب تكونى كويسه
كلماتك جامده اوى
ربنا يوفقك دايما
أية أخبارك إيه؟
فين مواضيعك الجديدة
على العموم ليكى تاج عندى ياريت تجاوبى علية
تحياتى ليكى
فى إنتظار إجاباتك
أيووووووية
وحشتيييييني جدا يا وحشة يا شريرة
بوستك جامد موووووت اخر حاجة
بجد حلو اوي
صغنون بس في منتهى الجمال بجد
miro el niro kwaniro
بس برده شريرة
لا حول ولا قوة الا بالله
استهدى بالله وامسكى المظلة تانى
ارجعى للامل وللتفاؤل
تبقى الحياة اجمل
واهم حاجة اللجوء الى الله
وتحياتى اليكى
وتسلمين
ازيك يااية
المعتاد دائما انتى عارفة رأى
فاكرة لما قلتلك انا بعمل ابه
اقعد اقلك كلام جميل ومية ومية
بس بقى لما كلامك المرة دى غريب
لا بجد تستحقى صندوقين كاكولا
فاضيين
اية بجد مش عاجبنى الياس ده
واجهى ومعاكى ربنا
بس حب الله بجد اجمل من اى حب فى العالم
ربنا يعنا لحبه
rara
ميرسى جدا
الحمد لله
انا كويسة
يارب تكونى انتى كمان بخير
تحياتى
mohamed ghalia
ان شاء الله الجديد فى السكة
وليه التدبيس العلنى ده بس
ماشى يا عم
تحياتى
كراكيب
وانتى كمان وحشتينى موت يا حبيبتى
ياترى عاملة ايه وايه اخبارك
طنينى عليكى
وميرسى لزوقك يا حبيبة قلبى
اتمنى اشوفك قريب
تحياتى
ريحانة الاسلام
تسلمى يا غالية
ربنا يهدينا ويهديكى يارب
عندك حق فعلا
للجوء الى الله هو انسب الحلول
تحياتى
مدحت محمد
حمد لله على السلامة يا راجل
ربنا يعيننا يارب
حب الله احلى واجمل
تحياتى
مدونة رقيقة وتدوينات ارق
بوركت وتمنياتي بالسعادة دوما
من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في كود البنر
إيه يا ايه روحتى فين تانى
يابنتى اختفيتى تانى ليه
طمنينا عليكى
تحياتى أختى العزيزة
دمتى بكل الود
السلام عليكم
اخبارك ايه آيه
كانت خلصت ايام الإكتئاب إذن اين انتى
اشتقنا اليكى كثيرا
عموما لكى فى مدونتى هديه تفضلى كى تستلميها
وسلامى لكل اهل السويس
جاى أقول كل سنة وانتى طيبة
عيد سعيد عليكى وعلى كل الى بتحبيهم
دمتى فى حفظ الله
ازيك ياايويا
معلش بقالى كتير مش بكتب تعليق البسورد كنت نسيتوا
انتى كمان بقيتى كسلانه اوى تكلى وتنامى
فين كلامك وموضيعك بقالك حوالى شهرين مش بتكتبى
تحياتى عمك واخوكى الكبير
وكل سنه وانتى طيبه من اخواتك الطوال فى العاشر من رمضان الى القصيرين فى السويس
♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
اولا حمد الله على السلامة
ثانيا:فى ناس حوالينا وبيحبونا..بس احيانا مش بناخد بالنا منهم.
فاهمة قصدى
*******
عوووووووووووووووو
السلام عليكم
أول زيارة ومش الأخيرة ان شاء الله
مدونة رائعة ورقيقة جدا
الأستايل بتعها جميل جدا
أما البووست رائع جدا
وكلماته مميزة وذهبية
دمتي بخير وسعادة
المدونون والمدونات الاعزاء:
ان كنا لا نستطيع ان نشارك المقاومين باجسادنــا
فلا ننسي اننا نستطيع ان نشاركهم بايدينا والسنتنا
وذلـــك بنشـر القضيه الفلسطينيه فـــــي مدوناتنـا
ولذلـــــــك ندعــــو المــــدونين :-
لحضور اجتمـــــــاعاَ لمناقشة حملتنا بأيدينا ندفع الخطر
للدفاع عـــن المسجد الاقصـــــــي الشريف وقضية فلسطين
نشارك في عوده صلاح الدين فــــــي موقعه حطين
ونكون قد ساهمنا بنشر الوعي بيننا لمكر كــيد الغاصبين
وذلك في يوم الخميس الموافق 26 / 3 / 2009 م
علي ايميل الرابطة :-
bloggersforpalestine@yahoo.com
وسننتظركم .......
لسماع ارائكم .......
ودعم جهودكم ........
نستمع الي كل ما هو جديد.
ونختــــــار كل ما هو مفيد.
ونحاول ان نحــــدث تجديد.
ولكم منا جزيل الشكر والتقدير.
الأمين العام للرابطة
Thanks to topic
إرسال تعليق