الجمعة، 22 أغسطس 2008

واجب الاعتذار للأفندية

5 تاج أحمدك يارب أولا يا جماعة : بعتذر لأخواتى كراكيب، ودعاء و منار ؛ بنت الاسلام و تامر الحسينى ( انسان عاشق حر ) و ابن مصر( son of egypt ) وده لأنى قصرت جدا فى عملوا واجباتهم ولكن بجد كانت ومازالت ظروف خارجة عن ارادتى والله .. ثانيا :بعتذر لأصحابى اللى هو انتوا كلكوا على تأخيرى عن المدونة والرد على التعليقات ومتابعة مدوناتكم وده لنفس السبب والله كنت مشغولة شوية كمان الجهاز كان بيعاندنى 3 شويات . ثالثا : وده الأهم بشكرجداا جدا كراكيب حبيبة قلبى ديما وحشانى وبتسأل عليا علطول و zozo وابن مصر طبعا المناضل اللى قدر بشجاعته ينزل السويس ..هههههههههههههههه وصوت من مصر وعمرو النوبى وهانى علوان ومحمدحمزة وكل الناس اللى سألت عليا مش عاوزة أكون نسيت حد .. بجد بجد ألف شكر و ألف تحية وحشتونى جداااااااااااااااااااااااا أما عن واجب الطالبة الكسلانة فأهديه اليكم يا أنوار حياتى .. التاج الأول اذكرى 16 صفة فى شخصيتك ؟ كان نفسلى اسأل بس اشمعنى 16 ليه مش 15 أو 20 يعنى .. المهم .. 1- أحب أمى و أبى و أخواتى حبا مرهقا لدرجة أننى أبكيهم اذا ما ذهبت فى رحلة أو أى مكان أفرح بدونهم ..تعودت أن أتقاسم الفرحة معهم بل أننى كثيرا ما أفرح فقط لمجرد فرحتهم . 2-قنوعة لدرجة تخيف ابى وامى على مستقبلى أرضى بأقل القليل..والحمد لله . 3- شديدة الصبر والتحمل لكنى عصبية فى بعض الأحيان . 4- أعشق النظافة والنظام بشكل متعب يستغرق منى أوقاتا و أوقات. 5- قليلة التركيز ..أتشتت بسرعة وبضرب لخمة فى أبسط المواقف بس مش ديما .. 6-أتحدث بعفوية شديدة وقد اكتشف اننى بخبط فى الكلام وبزعل الناس عن دون قصد والله وساعات مبكتشفش كمان . 7-حالمة ورومانسية جدا لكن لا يعرف ذلك الا المقربون منى جدا لأننى أتعامل مع الحياة بواقعية شديدة . 8- أعشق الموسيقى والغناء الهادف موسيقى عمر خيرت وقوة صوت أصالة وعزوبة صوت شيرين وعمق صوت منير وعروبة صوت فيروز .. ؟أصوات تنقى النفس من المشاعر الغبية الهبلة .. وكأنك تحلم حين تغمض عينيك وتسمعهم . 9- أتمنى أن يأتى يوما أغنى فيه للحب من قلبى ( مش بابا وماما بقا ) .. معلنة ذلك للعالم اجمع . 10- جريئة فى أفكارى دائما مترددة فى تعاملاتى أحيانا .. أعشق المغامرات وخوض التجارب الجديدة . 11- أحب السفر والرحلات والتنقل فى كل مكان جديد حتى وان لم أكن بحاجة لزيارته فقط حب استطلاع كل ماهو جديد . 12-أكره الفضول كما أكره ثرثرة الفتيات والخوض فى سير الأخرين . 13- أمقت البكاء على الأطلال بشدة .. انسى كل ما يؤلمنى سريعا لأبدأ فى عمل جديد ويوم جديد احيا كل يوم حياة جديدة . 14-لا أوقف حياتى عند صديقة ندلة او موقف أحمق .. لأننى أعرف جيدا ومؤمنة بشدة ان الحياة بها الحلو والمر و عشان استمتع بحلاوة الحلو لازم الاول اتأذى من طعم المر . 15- أكره المشاكل جدا و ابتعد عن أى مثار للجدل أو المشاكل فى أى مكان مما قد يتسبب فى ضياع حقى أحيانا . 16- كتومة جدا لأسرارى وأسرارا غيرى فقليل ما احكى ما بداخلى أو بمعنى اصح قليل ما اجد من أحكيله و أثق به نفس الوقت .. كما اننى لا اتحايل أو أحاول حتى معرفة أسرار الأخرين . الحمد لله التاج الثانىىىى اذكرى أحلاما تخص ماضيك كنت هتتخلى عن أيه وهتتمسكى بأيه لحد دلوقتى ؟ 1-حلمت وما زلت أحلم انى أقدر أطبق السنة النبوية بشكل صحيح وكامل ومستمر فى حياتى . 2 كان نفسى أكون مطربة و انا صغيرة وكنت بغنى فى المدرسة وكده لحد الاعدادى وبعدين اتحجبت وفهمت انه مش هينفع فقلت خلاص يبقا مذيعة ولأنى لا بفهم تاريخ ولا جغرافيا ولا بعرف احفظ أصلا كان صعب انى ادخل اعلام ذاكرت فى الثانوية العامة عشان ادخل هندسة جاتلى علوم عين شمس اعترض اهل البيت على السفر قلت دى علوم يا جماعة ومنها الى تربية السويس .. ادعولى بقا اخد البكالوريوس السنة دى ان شاء الله . 3- حلمت ان الحرب تقوم وتحصل ثورة تانى عشان مصر ترجع وانى اموت شهيدة لما كنا بناخد درس جميلة بوحريد . 4- كل لما يجى رمضان بروحانياته .. احلم انى ابقا داعية اسلامية معرفش ازاى ؟؟ 5- حلمت ان مصر تخرج من دول العالم الثالت قبل لما اموت .. افتكرت انى ممكن اشوف مصر لما توصل للمرحلة دى .. ياااااااااااااااااااااااااااااااة ..لسه بدرى طولة العمر لأحفادنا بقا .. حلمت بحاجات كتير ولسه بحلم وهفضل احلم طول عمرى عشان أقدر أعيش .. اذكرى أحلاما تخص مستقبلك وما تتمنيه منه ؟ يعنى ...امممممممممممممممممم رئيسة مجلس أدارة وخلاص .. مش عارفة والله حلمى مش متوقف عند حاجة نفسى أكون نافعة ومفيدة وخلاص أساعد أى حد فى أى مكان بأى شكل و أعيش وأعييش أهلى حياة سعيدة و أوفر لهم راحة البال والجسم والقلب .. على رأى فؤاد بحلم ويحلالى بحلم وانا مالى باللى هيحصل ايه ؟.. راضية انا بحالى راضية وبعيش حالى منغير ما افكر فيه .. واللى قدرت عليه اللى قدرت عليه يكفى ويحلالى بحلم وحلمى بسيط لا كتر مال ولا صيت بحلم ظاكون نفسى يسمع غنيا الطير بغنى غنوة خير للدنيا ولنفسى بحلم وحلمى عنيد لكن نصيبى أكيد لازم هيوصلنى ما دمت انا وياة وفى قلبى نبض حياة قادر يوصللنى بحلم ويحلالى أذكرى شخصيتين على الأقل متواجدين فى حياتك كنت تتمنى وجوهم من قبل ؟؟ المدونة وكل اللى عرفتنى عليهم بجد بجد كان نفسى يكونوا معايا من زمان والحمد لله ناس عاقلة عاوزة تعمل اى حاجة مش عايشة وخلاص . بجد أنا فخورة انى أعرفهم . اذكرى شخصين غير متواجدين فى حياتك تتمنى وجودهم فى حياتك وحياة أولادك ؟؟ أتمنى وجود ولو شخص واحد فى حياتى وحياة أولادى يارب ان شاء الله يعرف معنى ( الله- الحب _ التسامح - التضحية _ الحياة _ الجنة ) وكل سنة وانتوا طيبييييييييييييييييييييين بحبكوااااااااااااااااااااااااااااااااااااااااااااااااااااااااا والسلام عليكم والحمد لله واشهد ان لا اله الا الله وأن محمدا رسول الله

هناك 74 تعليقًا:

عصام الانجليزى يقول...

ازيك يا ايه
يا احن واجدع اخت فى الدنيا
بصراحه انا مبسوط انى لحقت اول تعليق
اتمنالك حياه سعيده يارب
اخوكى الكبير عصام

أية الشقية الشعنونة يقول...

عصوم
ربنا يخليك يا سمسم
بجد ربنا مش بياخد حاجة الا ويعوض باحسن منها
انتا بقا الاحسنمنها يا سمسم دمت يا عصام
الف تحية

عصام الانجليزى يقول...
أزال المؤلف هذا التعليق.
عصام الانجليزى يقول...

لولولولولولولولى
لحقت تانى تعليق كمان دنا هعمل فرح انهارده
بصراحه يا ايه انتى قولتى كل الكلام بصراحه لانى اعرفك كويس طبعا
12-أكره الفضول كما أكره ثرثرة الفتيات والخوض فى سير الأخرين .

بالنسبه للجزء ده بس
نوووووووووووووووووووووووووووووووووووووووووووووووووووووو
مفيش بنت من السويس مبتحبش الفضول وتعرف كل حاجه عن كل الناس وكله على يدى
بس بجد ربنا يوفقك ويحققك حلمك يارب دعوه من قلبى لاعز اخت عندى
معلش انا طولت اوى المره دى
بس كنت عاوز اوصلك سلامات العاشر من رمان كلها
تحياتى اخوكى عصام الانجليزى

spower يقول...

وبعدين
انا مش عارف اقرا البوست
الكلام مشفر
علي العموم انا هاحاول تاني

إبن مصر يقول...

السلام عليكم
اولا مش لازم تعتذرى ولو ان الإعتذار بيرفع من شأنه صاحبه ومش بيقلله
وبالنسبه لنزولى السويس فبلاش اقول لأصحابنا ايه اللى حصلى هناك
ربنا يكرم كل سواقين التاكسى واللى بيملوا ولاعات وكل شعب السويس( المنااااضل)
أل مناضل أل
نيجى لصفاتك الحلوه اوى بس شدتنى صفه كده اللى هى :
أحب السفر والرحلات والتنقل فى كل مكان جديد حتى وان لم أكن بحاجة لزيارته فقط حب استطلاع كل ماهو جديد .
ياختى تعالى اشتغل معانا وانتى تلفى مصر كلها
والله هتتبسطى اوى دنا بلف لف بيطلع عينى وكمان بروح السويس عارفاها طبعا

الدرعمي يقول...

السلام عليكم

آية حبيبة القلب الغالية

كل سنة وانتي طيبة يا قمر الحلوين

ورمضان كريييييييييييييييم

وحلـــــــّـــو يا حلـــــــّـــو


شخصيتك جميلة وفيها حاجات كتير مني

أنا طبعا عاشق لفيروز وأصالة

حالم رومانسي قنوع

بحب بابا وماما بس بابا عشق خاص

قنوع كتوم جريء

أكره المشاكل والثرثرة

تعتبري بتوصفيني

ده توافق غريب بيننا

حتى في موضوع الإعلام والدعوة إلى الله

عندي الرغبة ومازلت مصمم عليها

إني اكون إعلامي وداعية إلى الله

بس حاجات بسيطة هي اللي مختلفين فيها

مش صبور غالبا مش كل الوقت

وعصبي حين يستدعي الأمر

بركز أوي ومبعرفش أتكلم كلام من غير

ما أحسبه وأفكر فيه كويس وأحدد موقفي


أنا أعشق النظافة والنظام آه

بس إني أقضي وقت طويل في التنظيم

بملّ إلا في تنظيم كتبي وتنسيقها وتنظيفها


نمرة 9 هي اللي أنا محتاجها أوي أوي

أنا طوّلت أوي عليكي وزمانك زهقتي مني

بس عاوز أخيرا أفسر لك سبب 16

أنا السبب يا ستي

ايون انا

لما جالي التاج والواجب

دمجتهم في بعض

ورديت على الاتنين في تاج واحد

وحولته لناس

بدأ ينتشر كتاج جديد

بس بدل ما هو واجب اذكر 6 أسرار

وتاج اكتب عشرة أشياء

بقى اذكر 16 صفة عنك

سلام

وأرجو أن أراك في حفل توقيع كتاب

مدونات مصرية للجيب

في ساقية الصاوي

بكرة السبت الساعة 7 مساءًا

لو عاوزة تعرفي تفاصيل أكتر

بس ابعتيلي رقمك على

adam4lovers@gmail.com

والسرية تامة


رمضان كريم جدا فاجتهدي



آدم

Tamer Alhosiny يقول...

عزيزتي اية الشعنونة
اولا حمدلله علي السلامة بعد غياب
منورة المدونة فعلا
وبشكرك علي اعتزارك الرقيق
لكن عايز اقول انك فعلا تستحقي التاج
بعد الاجابات الجميلة الاي فعلا حسيت فيها بشخصية رائعة
واكترؤ صفاتك التي اعجبت بها

1-أتمنى أن يأتى يوما أغنى فيه للحب من قلبى

وانا اتمني ليكي نفس الاحساس لانه بجد اروع احساس

2-جريئة فى أفكارى

لان بجد الحياة لا تستحق التخازل او عدم خوض المغامرة

3-أمقت البكاء على الأطلال بشدة .. انسى كل ما يؤلمنى سريعا لأبدأ فى عمل جديد ويوم جديد احيا كل يوم حياة جديدة .

ده بجد اجمل ما قرئته في الموضوع واكثر ما اعجبني في شخصك
لان الحياة لا تستحق منا البكاء
تستحق المغامرة واقتحام الحقيقة ومجابهة النفس والوضوح مع النفس
والنظر للمستقبل بامل وحب

4-لا أوقف حياتى عند صديقة ندلة اوصديق أحمق

انتي شخص عاقل جدا

شخصية رائعة وسعيد بان فيه بينا الصداقة دي واتمني اني شوف دائما في مدونتك اجمل الموضوعات باستمرار

تحياتي

تامر الحسيني
انسان عاشق حر

Unknown يقول...

ربنا يكرمك وتحققى كل اهدافاك واحلامك

ويارب يحقق لنا كل اهدافنا واحلامنا

بس بشرط ان احنا نسعى فى تحقيقا يعنى منسبهاش كدا ...

دى اول زيارة ليا بس بإذن الله حتتكرر

لان مدونتك مميزه ..


وحمدلا ع السلامه

تحياتى

شـمو نشـادر يقول...

عسوله انتى يا يؤيؤ و الله ..

ربنا يكرمك يا ستى و تعملى كل اللى نفسك فيه ..

تحياتى ليكي ..

أسامة أمين

Abdallah Hosni يقول...

ايه ده انا عبدالله ده ولا ايه ههههه

هيييييييييييييييييه

انا اسمي عبدالله حسني وليس الحسيني

ـــــــــ
اجابات رائعة ماشاء الله يااية على التاج ده

spower يقول...

أنا أنا عصفور
وموطني رمضان
مع الأذكار أطير
وأحمل الأطياب

رمضان كريم

انا لحد دلوقتي مش عارف اقرا البوست
ما فيش كلمات كلها ارقام

blue-wave يقول...

ايه التاج التحفه دا؟
تحياتى

Unknown يقول...

ماشاء الله عليكى
ممتازة حليتى اكثر من تاج مرة واحدة
بصراحة انا بمل اجاباتك حلوة
كل عام وانتى بخير

mohamed ghalia يقول...

بجد إنتى شخصيتك لذيذة قوى
ربنا يحفظك
دمتى بود
كل سنة وإنتى طيبة

Amgad يقول...

ميرسي جدا ليكي يا ايه
وبجد وحشتينا اوي
ويارب ترجعي بالسلامة
والمشكلة اللي عندك تتحل
وتبقي كل الامور زي الفل

Amgad يقول...

علي فكرة ليكي تاج عندي
لو فاضية ابقي فكري فيه شوية
تحياتي

أية الشقية الشعنونة يقول...

كده يا عصام
يعنى انا نمامة
اخث عليك
ماشى يا سيدى ثبتتنى
سلامى لأخواتى اللى فى العاشر كلهم
والف تحية ليك يا عصوم
كل سنة وانتا طيوب يا جميل
تحياااااتى

أية الشقية الشعنونة يقول...

spower
i waited 4 u
try again
تحياتى

أية الشقية الشعنونة يقول...

ابن مصر
هههههههههههههههههه
عجبتك طيب ايدى على كتفك
شغللنى معاكو
ربنا يخليك يارب يا محمد
اول ما هخلص هستنى الوظيفة
تمام
تحياتى

أية الشقية الشعنونة يقول...

ادوم
ربنا يخليك يارب
ميرسى يا جميل
للاسف مقدرتش اجى الحفلة
اما بالنسبة للتوافق فانتا اللى بتشبط نفسك
هههههههههههههههههههه
يارب يا أدم نعرف نعمل حاجة
ونوصل فى رمضان يارب
تحياتى يا ابو الاداديم

أية الشقية الشعنونة يقول...

انسان عاشق حر (تامر الحسينى )
أنا أسعد بصداقتنا يا تامر بجد بجد

انتا حد عاقل جدا وعموما يكفينى انك قريت البوست بالشغف ده
الف الف شكر وتحية

أية الشقية الشعنونة يقول...

المبرمج المحترف
الله يسلمك
ويارب يا سيدى كلنا نحقق كل اهدافنا
بس المشكلة لما نسعى وبردو منلاقيش
عموما
تجياتى

أية الشقية الشعنونة يقول...

أسامة امين 0 شمو نشادر )
ميرسى يا سمسم
تسلم يارب
تحياتى

أية الشقية الشعنونة يقول...

عبد الله حسنى
اسفة يا جميل ده انتا فعلا
وميرسى على زيارتك
تحياتى

أية الشقية الشعنونة يقول...

spower
يا ترى العيب فين بقا ؟؟

أية الشقية الشعنونة يقول...

blue wave
ميرسى ربنا يخليك يا دكتور
تحياتى

أية الشقية الشعنونة يقول...

نهر الحب
تسلمى يا جميلة
انا ممتازة ؟؟
اممممممممممممممممم
يمكن
ههههههههههههههههه
كل سنة وكلكم بالف صحة وخير وسعادة يارب
تحياتى

أية الشقية الشعنونة يقول...

mohamed ghalia
يارب يخليك يارب
شخصية لذيذة
هههههههههههههه
حضرتك ألذ
دمت بالف صحة وكل سنة ومصر كلها بخير يارب
والوطن العربى يرجع بقا
تحياتى

أية الشقية الشعنونة يقول...

amgooood
ليه التدبيسة دى بس يا جوجو
هههههههههه
ماشى بس هناخره شوية بقا لبعد رمضان مثلا اوك لحسن الناس تزهق مننا
انتوا كمان وحشتونى جدا جدا ادعيلى بقا
تحياتى

kochia يقول...

انا جيت اهو
وانا مقدرش اتاخر عليكي يا قمر
وبالنسبة للمراسلة هراسلك اكيد ومعنديش مانع في موضوع مدوني السويس طبعا
دي حاجة لطيفة اوي

وانا رديت عليكي عندي برده
تحياتي ليكي

kochia يقول...

انا ضفتك يا ايه علي الايميل
اتمني اكلمك قريب ان شاء الله

عايش... ولكن !!!! يقول...

هههههههههه كان نفسك تبقى زى جميله ابو حريت
الحاجات دى خلاص مبقتش تفع الايام دى
صعب تلاقى حد كده
بس بجد اجاباتك جميله جدا
دمتى متألقه
علاء

momken يقول...

ياه ايه التاجات دى كلها
بس ماشاء الله تاجاتك جميله وحلوة جدا
واجابتك ملليانه خفه دم وايمان ودبلوماسيه شديد

ماشاء الله عليكى لبقه جدا

تحياتى

مدحت محمد يقول...

ايوة انا جيت

استنى ابعتلك لينك بقى موقع دينى هنا كمان ههههههههههه


انا بخير الحمد لله

بس يعنى الحمد لله على كل شىء

انا بقى معترض على فكرة مدونى السويس دى

ومش مشترك هههههههههه

رغم انى انا صاحب الفكرة

ههههههه

بس ماعلينا كل سنة وحضرتك طيبة وربنا يارب يبلغنا رمضان نخرج منه بعون الله مغفور ذنوبنا

وربنا يعزك يارب

ومبروك تصليح الكمبيوتر

وميرسى لجوابك التاج ياآية

هانى المصرى يقول...

اجابات تنم عن انسانه طيبه ومتسامحه ومتدينه..بجد ربنا يحققلك احلامك يا ايه وكل سنه وانتى بالف خير..
تحياتى لكل اهل السويس

bastokka طهقانة يقول...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

كراكيب يقول...

ايووووية..
وحـشـتـييييييـنـي

اجاباتك زي الفل على التاجات

مش هعرف ارغي اوي علشان انا عايزة اوضب واغسل المواعين واطبق الغسيل وآكل وحاجات كدة كتير

بس كل سنة وانتي طيبة علشان رمضان
:)وكل سنة وانا طيبة علشان عيد ميلادي

miro el niro kwaniro

RaRa يقول...

آية
وحشانى موووووووووووووووت
عامله ايه يارب تكونى كويسة
أحلامك جميلة زيك ياقمر
وربنا يوفقك ويحققلك كل أحلامك

وكل سنة وانتى طيبة

رمضان كريم

مصراوى يقول...

عالى فكر انا حصلى نفس الى حسلك بزبط واكتر وكمان المدونة الكديمة بتعتى اتمسحت انا زعلان علية اوى بجد بس انتى انسانة طيبة وبتحبى اصحابك اوى وبتحيرمى كلمتك معاهم اوى عاشان كدة اادملك كل احترامى وتكديرى ويريت ابقا من دمن اصحابك انا اتمنا بجد ان تقبلى ان تخلينى من دمن اصحابك انا مستنى الرد

لؤلؤة الاسلام يقول...

ما شاء الله صفات مميزة
و يارب تتحقق كل احلامك ان شاء الله

و طبعا طبعا مدونتك عجبتنا
ما شاء الله
و جزاكم الله خيرا
و تحيااااااتى
رمضان كريم

محمد فاروق الشاذلى يقول...

كل رمضان وحضرتك بخير
اللهم بلغنا ليلة القدر واجعلنا من عتقاء هذا الشهر

romansy يقول...

كل سنة وانتى طيبة
اولا المدونة جميلة وتحفة
بس انتى كدة هتفطرينى
اول ما شوفت الايس كريم
يا اخواتى صايم وراجل شقيان
والشقية عاوزة تفطرنى حتى ف رمضان

أية الشقية الشعنونة يقول...

kochia
ميرسى يا حبيبة قلبى ويارب ان شاء الله نتكلم قريب
بس رمضان واحشنى جدا ومش قادرة اسيبه سامحونى
تحياتى

أية الشقية الشعنونة يقول...

عايش ولكن
امممممممممممممم دمت يا علاء
متشكرة جدا بس بجد حلم جميل ولا انت ايه رأيك ؟
تحياتى وخلينا نشوفك

أية الشقية الشعنونة يقول...

momken جدا
ميرسى يا ممكن لبقة ياااااااااااااة
دنا بقولك لخمة جدا ههههههههههههههه
ميرسى ليك ولزيارتك الجميلة

أية الشقية الشعنونة يقول...

مدحت محمد
ميرسى ليك انتا يا مدحت
امين يارب نخرج كلنا عتقاء من الشهر الكريم يارب
اما عن الفكرة فطبعا الفضل ليك فيها
وهنجيبك يعنى عنجيبك
ههههههههههههههههه
دمت بخير وكل سنة وانتا طيب
تحياتى

أية الشقية الشعنونة يقول...

هانى علوان
الله يسلمك يارب
تسلم ومش هقدر اقولك بجد ان انتوا اللى خليتونى كده
تحياتى وانتا بالف خير يارب

أية الشقية الشعنونة يقول...

baskotaطهقانة
اللهم امين يا بسكوتة
نشوفك بخير ديما يا بيرو
تحياتى ورمضان كريم

أية الشقية الشعنونة يقول...

كركيبو
كل سنة وانتى بالف خير يا حبيبة قلبى
روحى للمطبخ ومتتأخريش علينا
وحشتينى موووووووووووووووووزز
تحياتى

أية الشقية الشعنونة يقول...

rara
تسلمى يا غالية والله وانتى وحشانى اكتر
ربنا يخليكى يارب انا وانتى وكل الناس تتحقق احلامها ونعيش صح
تحياتى

أية الشقية الشعنونة يقول...

عالم الحب
ايه الاستحياء ده كله
احنا كمان نتمنى والله
متزعلش على المدونة حصل خير
تسلم يارب
الف تحية

أية الشقية الشعنونة يقول...

خديجة محسن (لؤلؤة الاسلام )
تسلمى يا غالية جزانا الله خير وجزاكى
والحمد لله ان المدونة عجبتك يارب ديما
يارب احلامى واحلامكم كلها يارب
تحياتى

أية الشقية الشعنونة يقول...

قلب مصرى
وانتا بالف صحة وسلامة
اللهم امين ياربب العالمين
تحياتى

أية الشقية الشعنونة يقول...

romansy
هههههههههههههههههههههههههههه
ابقا ادخل بعد الفطار واحنا هنكرموووووووووووك
ههههههههههههههههههه
كل سنة وانتا بالف صحة وسلامة
تحياتى

Hossam يقول...

hi
مدونتك خفيفة جدا
بجد نفسى اكون اصدقاء
سلام

zOzO يقول...

اهلا بيكي مره تانيه
نورتي
يعني مش انا اللي جهازي بيعاند معايا بس
هههههههههههههه


تاجك مميز
وحلو اوي
ربنا يكرمك ويحققلك كل ما تتمني

انى احبكم فى الله يقول...

ايه التيجان دى كلها دول باين عليهم بيحبوكى وعلى فكرة بجد شخصيتك جميله وتحياتى ليكى بجد على المدونه وهاردد العباره اللى انتى كتباها فى الاسكريبت كم من الجميل ان نبقى اصدقاء انتى بجد شقيه بس مش شعنونه تقبلى مرورى وتحياتى

أية الشقية الشعنونة يقول...

hossam
تسلم يارب يخليك
انا كمان يشرفنى اكيد
تحياتى

أية الشقية الشعنونة يقول...

zozo
ربنا يخليكى يا جميلة ويحققلى ويحققلك كل احلامنا يارب
الحمد لله ان التاج عجبك
لا مش انتى بس دنا الجهاز مطلع عينى
هههههههههههههه
تحياتى

أية الشقية الشعنونة يقول...

انى احبكم فى الله
حب الناس ده شئ جميل جدا وانا اتمنى انهم يكونوا فعلا بيحبونى ده شرف ليا
متشكرة جدا على زوقك
تحياتى

romansy يقول...

انا الصراحة بعد اللى شوفتة عندك من خيرات
اطلقت عليكى الرصاص
وبهديكى احلى تاج لاحلى شقية

هانى المصرى يقول...

عامله ايه فى رمضان

بنوتة يقول...

أنا عاجبني الموضوع جدا و عجبتني شخصيتك جدا واتمنى تدخلي تشوفي مدونتي لسة عملاها

أية الشقية الشعنونة يقول...

romansy
رصاااااااااااااص ؟
احنا فينا من كده
ليه بس كده يا مان
حقد يعنى
هههههههههههههههههه
عموما تسلم
تاج ؟
تاج ايه تانى ؟
ربنا يستر
تحياتى

أية الشقية الشعنونة يقول...

هانى علوان
ربنا يتقبل يا هانى
ويارب نكون كلنا من العتقاء السنة دى\ونبلغ ليلة القدر يارب
طمننا عليك ديما
تحياتى

أية الشقية الشعنونة يقول...

بنوتة
اهلا بيكى يا جميلة فى عالم التدوين واكيد هكون فى زيارتك مسافة السكة
تحياتى

امل الاسلام يقول...

يا ايه ياجاااااااااااااااامده ايه ياعم الحلاوه دى خلى بالك فيك صفات كتيره تشبه صفاتى والتاج راااااااااااائع وبحيكى على الصراحه واحلى سلام مربع لاحلى سويسيه فيكى ياسويس

صوت من مصر يقول...

بجد شكرا لانك افتكرتينى والاهم انك فعلا شخصيه جدعه جدا وبنت بلد بجد من اجاباتك على التاجات ؟
كل سنه وانتى طيبه ؟
؟
؟

أية الشقية الشعنونة يقول...

عاشقة الشهادة
نورتى المدونة وميرسى جدا على زوقك يا جميلة

أية الشقية الشعنونة يقول...

beram elmasry
طبعا شرفنى جدا زيارة مدونتك الرائعة
وان شاء الله اكون من زوارها
وشكرا على اهتمامك بدعوتى للزيارة
رمضان كريم

أية الشقية الشعنونة يقول...

صوت من مصر
دنتا اخونا يا حماده
افتكرت ايه يبنى هو فى حد بينسى اصحابه
اذا كنت انا جدعة فأكيد لانى صاحبتكم واعرفكم
شكرا جدا يا محمد
وكل سنة وانتا طيب

أية الشقية الشعنونة يقول...

كلام على بلاطة
وانتا بالصحة والسلامة يا غالى
مستعجل ليه كده ؟
تحياتى

Entrümpelung يقول...

عنوان الموضوع مثير جدااااا
لكن ..
طوووووووووووووويل