من منطلق دراستى .. او البيئة المحيطة حوليا اصحابى وزملائى ..أقدر أقولكم ان التعليم فى زوال .. و أنصكوا كمان لما تتجوزوا وتخلفوا أوعوا تودوا عيالكوا المدارس . زاكرولهم انتوا احسن .. مش مصدقين تعالوا كليتى وشوفوا .. اشرحلكم المشوار التخين اللى بيبدأ بالأنهيار تخيلوا لما تكون بداية المشوار انهيار اومال نهايته هتبقى ايه !
يييييييييييييييييييييييييييي بالحتم جهل علمى وغباء تربوى ومعنوى وفشل أدبى وشلل جسدى ..
لما نكون ثانوية عامية وما أدراكوا كلكوا مجربين طبعا . أحم .الشبح اللى العيال اللى لسه فى ابتدائى خايفين منه وبيفكروا فيه .. بعد الدروس والشحططة والدح والسهر والذى منه ( ثانوية عامة علمى ياضة بقا ) .. لما فى الأخر تدخل تربية زيك زى بتاع علمى علوم اللى جايب 59 % اة والله 59 % دخلوا تربية بيولوجى تخيلوا !!
يعنى انتا داخل الكلية كاره أمها وكمان معاك واحد ناجح ب 36 درجة متخيلين يعنى منغير ال 36 درجة دول كان زمانهم بيعيدوا
سيبكوا من ده .. لما يكون طالب بيتهته وواحد تانى صوته او صوتها عموما يعنى صوتهم واطى جدا واللى خطة لا يتشاف ولا يتقرا ...
أنا مش بتريق بس سورى يعنى أزاى دول يبقوا مدرسين ؟؟ولما دول يبقوا مدرسين عام الطلبة يبقا شكلهم ايه ؟؟
بلاش كل ده .. طب لما واحد يبقا بقاله 7 أو 8 سنين فى الكلية يوم ما يتعين يبقا مدرس أزاى ولا مؤاخذة ؟؟
طب والبنات اللى لابسة ضيق وع الكمر وبادى وسترتش وبرمودة و ... و... وخلافه . وتدخل تربية عملى فى مدرسة بنات او ولاد أزى دى تبقى قدوة للبنات ؟ ولو فى مدرسة ولاد هيعملوا فيها ايه ؟
طب واللى بيترفعوا بدرجات الرأفة فى مواد زى طرق التدريس أو علم النفس هيدرس ازاى لما هو مش بيعرف فى طرق التدريس ؟
ماشى واللى بيشرب سجاير واللى بيلفوا واللى بتشيش على القهاوى هيدرسوا لمين ؟
واللى بينجح وبيجيب تقديرات بس (بالغش ) لما يبقى مدرس يقف مرلقب ( بأنهى وش ) ؟
واللى ..... واللى ...... واللى ..... هقول أية ولا ايه ؟؟
انا مش بعيب على الزملاء هما حرين فى حياتهم الشخصية وفى منهم كتير أكيد فى مجتمعنا بس المشكلة أنه مينفعش يكون فى كلية التربية
زمان كان المدرسين بيتعملهم اختبار عشان يدخلوا حاجة اسمها معلمين او معلمات مش كلية تربية واللى مش بينجح مش بيدخل ايه اللى جرى هو احنا احسن من الجيل اللى قبلنا ؟؟
مش حرام والنبى نخلف عيال يشوفوا السواد ده كله بيقول اهى شهادة وخلاص بس انا فى رأيى (تعليم لا هدف من وراءه سوى الشهادة حتما لا ترجى منه اى استفادة )
وعايزين المجتمع يتحسن طب ازاى ؟ اذا كان مؤسسى البنية التحتية أصلا مش عندهم بنية تحتية اساسا . مش التلميذ ده اساس المجتمع لما تبقى الأمثال دى قدوته . تخيلوا معى مجتمع المستقبل ..
هناك 9 تعليقات:
تعليم لا هدف من ورائه سوى الشهادة حتما لا ترجى منه أية استفادة
يا جامد إنت يا آية جملة حلوة أوي تلخص إللي إنتي عاوزه تقوليه
العملية التعليمية عندنا ف النملية وأغلب طلبة الكليات النظرية التانية واخدينها شهادة وخلاص
ربنا يستر علينا وعليهم وعليكي
تحياتي :)
ربنا يستر يا رب
ادعيلى اعدى منها بقا يا أحمد
انا بجد مش قادرة اتصور بكرة
وتحياتى ليك وشكرا على متابعتك
سلام الله عليك، لا أدري كيف دخلت هنا لكن لم أندم على قراءتي لهذا الموضوع. فانا انتهز اي فرصة تجمعنى بأهل التربية والتعليم لاوصيهم خيرا بأبنائنا الذين هم عصب هذه الامه في المستقبل ان شاء الله. المعلم والمعلمة كانا ومازالا بالنسبة لي الرمز الاهم في التربية واوضح مثال على ذلك ان معظم ايجابيات شخصي المتواضع ومعظم ما تعلمت وقرات وجل فكرى وآرائي هي ثمرة غراس اساتذتي ومعلماتي في المراحل الدراسية المختلفة واعتبر نفسي محظوظة بهذا. ادعو الله ان يجعلك قدوة صالحة مصلحة لابناء الامة
كنت بكلم ابن عمى هو فى تاتة ثانوى وماشاء الله عليه قمة الشطارة
قبيقلى انا نفسى يلغو المدرسة خالص
لانها مضيعة للوقت
تبقى دروس بس
هو عنده حق
انا والله كنت ايام ثانوى بغيب عن المدرسة عشان اذاكر
اما بالنسبة للتعليم كتعليم وكتب
فانا اختلف معاكى لانه مهم جدا جدا
ولكن اتفق معاكى
انه مبيجبش همه
من حيث الوظايف
لانها بلد كوسة
تحياتى
انا عارفة يا حرة ان الخير فى امتى الى يوم القيامة انا بتكلم على نظام التعليم مش على عقول الامة بالعكس الاطفال دلوقتى عقولهم متفتحة جدا
بس ربنا معاهم
التعليم كوظيفة او كمحصل للعلم غير مجدى دلوقتى بالمرة يا مدحت للاسف وسلامى لابن عمك وربنا معااااااااااااااه
اتشرفت جدا بزيارتك يا حرة ويا مدحت ويارب متكونش اخر مرة
مدونة جميلة وبصراحة كلمها اجمل بتمنالك التوفيق ان شاء الله تحياتى (اسير الجراح)
ميرسى يا أسير بتمنالك الشفا
هههههههههههههههه
فرصة سعيدة جدا
انا موجودة يا ابو حميد بس بمتحنننننننننن
ادعيلى
إرسال تعليق